Në vitin 2011, u krijua një bashkëpunim ndërkombëtar i studiuesve dhe politikëbërësve shëndetësorë, i njohur si AGREE, me synimin për të përmirësuar cilësinë dhe efikasitetin e udhëzimeve klinike, duke vendosur një kornizë të përbashkët për zhvillimin, raportimin dhe vlerësimin e udhëzimeve klinike.
Bashkëpunimi ndërkombëtar AGREE merret me disa projekte kërkimore si: krijimin e një instrumenti për vlerësimin e cilësisë së udhëzimeve klinike, zhvillimin e rekomandimeve standarde për profesionistët shëndetësorë që marrin pjesë në zhvillimin e udhëzuesve, krijimin e një programi për zhvillimin e udhëzuesve, analizën e përmbajtjes së udhëzimeve për astmën, diabetin dhe kancerin e gjirit dhe vlerësimin e rekomandimeve individuale.
Si një nga rezultatet e këtij bashkëpunimi është krijimi i dokumentit “Vlerësimi i udhëzimeve për kërkimin dhe vlerësimin” (Appraisal of guidelines for research and evaluation) i quajtur instrument AGREE. Ky mjet u paraqit si një mjet gjenerik që është krijuar para së gjithash për të ndihmuar ata që krijojnë dhe zbatojnë udhëzimet e praktikës klinike dhe në të njëjtën kohë për të vlerësuar cilësinë e tij metodologjike. Gjithashtu, vetë instrumenti përdoret për të vlerësuar udhëzimet klinike të zhvilluara nga grupe apo organizata qeveritare lokale, rajonale, kombëtare ose ndërkombëtare, qofshin ato udhëzime të reja, udhëzime të zhvilluara tashmë të përdorura në praktikë ose udhëzime të rishikuara që tashmë janë përditësuar.
Bashkëpunimi ndërkombëtar AGREE përbëhet nga organizata që janë përgjegjëse për përmirësimin e cilësisë së kujdesit shëndetësor dhe vlerësimin e cilësisë së vetë udhëzimeve. Këtu përfshihen organizata nga vendet e Evropës dhe botës: Franca, Gjermania, Italia, Holanda, Spanja, Zvicra, Danimarka, Britania e Madhe, pastaj Kanadaja, Australia, Zelanda e Re dhe SHBA, etj.